Նորություններ
Հարգելի թանգարանի այցելու,
Ներկա պահին Հայոց ցեղասպանության թանգարանում ընթանում են հիմնավերանորոգման և նոր թանգարանային ցուցադրության պատրաստման աշխատանքներ: Այդ պատճառով Հայոց ցեղասպանության թանգարանը դադարեցնում է իր աշխատանքները մինչև 2015 թ. ապրիլի 20-ը:
Հարգանքներով,
Հայոց ցեղասպանության թանգարան-ինստիտուտ
Հարգանքի տուրք՝ ի հիշատակ Պոնտոսի հույների ցեղասպանության
19.05.2014
Այսօր Պոնտոսի հույների ցեղասպանության հիշատակման օրն է: ՀՀ Ազգային ժողովի փոխնախագահ Էդուարդ Շարմազանովը, ԱԺ պատգամավորները, ՀՀ-ում Արտակարգ և լիազոր դեսպան Իոանիս Տաիսը, Հայաստանի հունական համայնքի ներկայացուցիչները այցելեցին Ծիծեռնակաբերդ՝ Հայոց ցեղասպանության զոհերի հուշահամալիր:
«Թանգարանների գիշեր» միջոցառմանը միացավ նաև ՀՑԹԻ` ժամանակավոր ցուցադրությամբ
17.05.2014
Հայոց ցեղասպանության թանգարան – ինստիտուտը միացավ «Թանգարանների գիշեր» համաեվրոպական միջոցառմանը: Ցուցադրությունը բաց է առավոտյան ժամը 11:00-ից և միայն այսօր կգործի մինչև երեկոյան ժամը 21:00-ը:
Հայոց ցեղասպանության թանգարան-ինստիտուտի նորակառույց մասնաշենքում ապրիլի 21-ին բացվեց Առաջին համաշխարհային պատերազմի 100-րդ տարելիցի կապակցությամբ կազմակերպված «Առաջին համաշխարհային պատերազմ. դաշնակիցներ, կերպարներ, կոտորածներ» խորագրով ժամանակավոր ցուցադրությունը:
Հայկ Դեմոյանը հրապարակային դասախոսություն կարդաց Աթենքի Ռազմական թանգարանում
15.05.2014
Մայիսի 14-ին Հունաստանի մայրաքաղաք Աթենքի Ռազմական թանգարանում տեղի ունեցավ հույների ցեղասպանությանը նվիրված երեկո: Երեկոյին ողջույնի խոսքով հանդես եկավ Հունաստանում ՀՀ Արտակարգ և լիազոր դեսպան Գագիկ Ղալաչյանը, այնուհետև Հայոց ցեղասպանության թանգարան – ինստիտուտի տնօրեն, Հայոց ցեղասպանության հարյուրերորդ տարելիցի միջոցառումները համակարգող պետական հանձնաժողովի քարտուղար Հայկ Դեմոյանը հանդես եկավ «Ավրորա Մարտիկանյանի ոդիսականը» թեմայով հրապարակային դասախոսությամբ:
Միջոցառումը կազմակերպել էին Հունաստանում Հայաստանի Հանրապետության դեսպանատունը, ՌԱԿ-ի շրջանային վարչությունը և ՀՅԴ Կենտրոնական կոմիտեն:
Հայաստանի Հանրապետության Նախագահ Սերժ Սարգսյանը և Ֆրանսիայի Հանրապետության Նախագահ Ֆրանսուա Օլանդն այցելեցին Հայոց ցեղասպանության զոհերի հուշահամալիր
12.05.2014
ՀՀ Նախագահ Սերժ Սարգսյանի հրավերով մայիսի 12-ին երկօրյա պետական այցով Հայաստանի Հանրապետություն ժամանած Ֆրանսիայի Հանրապետության Նախագահ Ֆրանսուա Օլանդը և նրան ուղեկցող ֆրանսիական պատվիրակությունը այցելեցին Ծիծեռնակաբերդ՝ Հայոց ցեղասպանության զոհերի հուշահամալիր: Հայաստանի և ֆրանսիայի նախագահները ծաղկեպսակներ դրեցին Մեծ եղեռնի զոհերի հուշարձանին:
Ֆրանսիայի Նախագահ Ֆրանսուա Օլանդը և ֆրանսիական պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Վրաստանի Ռազմական ոստիկանության վարչության պետ Կախաբեր Չիխրաձեն հարգանքի տուրք մատուցեց անմեղ զոհերի հիշատակին
06.05.2014
Վրաստանի Ռազմական ոստիկանության վարչության պետ, գնդապետ Կախաբեր Չիխրաձեն և նրան ուղեկցող պատվիրակությունն այցելեց Ծիծեռնակաբերդ՝ Հայոց ցեղասպանության զոհերի հուշահամալիր: Գնդապետ Չիխրաձեն և նրան ուղեկցող պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Լիդիցեի Գեղեցիկ Արվեստների Միջազգային Պատանեկան Ցուցահանդեսի Մրցանակների հանձման արարողություն ՀՑԹԻ-ում
30.04.2014
Հայոց ցեղասպանության թանգարան-ինստիտուտի ժամանակավոր ցուցադրությունների սրահում տեղի ունեցավ Լիդիցեի գեղեցիկ արվեստների միջազգային պատանեկան ցուցահանդեսի մրցանակների հանձման արարողությունը: ՀՑԹԻ տնօրեն Հայկ Դեմոյանը բարի գալուստ մաղթեց այցելուներին և նշեց, որ նրանք նոր ցուցադրության առաջին երեխա այցելուներն են: «Նորակառույց թանգարանում դպրոցական երեխաների համար հատուկ սենյակ է գործելու, որտեղ անցկացվելու են Հայոց ցեղասպանության պատմության դասընթացներ»,-նշեց Հ. Դեմոյանը:
Հելսինկիի միտրոպոլիտն այցելեց Ծիծեռնակաբերդ
29.04.2014
Հայաստանի Հանրապետություն ժամանած Լիտվայի Հանրապետության ազգային պաշտպանության նախարար Յուոզաս Օլեկասը և նրան ուղեկցող պատվիրակությունն այցելեց Ծիծեռնակաբերդ՝ Հայոց ցեղասպանության զոհերի հուշահամալիր:
ԼՀ ազգային պաշտպանության նախարարը ծաղկեպսակ դրեց Մեծ եղեռնի զոհերի հուշարձանին: Այնուհետև, Յուոզաս Օլեկասը և նրան ուղեկցող պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Ծաղիկների վերամշակման գործընթացը Ծիծեռնակաբերդի հուշահամալիրում
27.04.2014
Վայրի բնության եւ մշակութային արժեքների պահպանման հիմնադրամը Հայոց ցեղասպանության թանգարան-ինստիտուտի և «ՎիվաՍել-ՄՏՍ»-ի հետ համատեղ արդեն հինգերորդ անգամ ապրիլի 26-ին Ծիծեռնակաբերդի հուշահամալիրում իրականացնում են անմար կրակի մոտ դրված ծաղիկների վերամշակման գործընթացը:
Միջոցառման շրջանակում բոլոր ծաղիկները խնամքով հավաքվում և տեղափոխվում են հուշարձանի հետնամաս, առանձնացվում են ցողունն ու ծաղկաթերթիկները:
ՀՀ Նախագահի գլխավորած պատվիրակությունը հարգանքի տուրք մատուցեց անմեղ զոհերի հիշատակին
24.04.2014
ՀՀ Նախագահ Սերժ Սարգսյանը, Ն.Ս.Օ.Տ.Տ. Գարեգին Բ Ամենայն Հայոց կաթողիկոսը, ՀՀ վարչապետ Հովիկ Աբրահամյանը, ՀՀ խորհրդարանի և կառավարության անդամների ուղեկցությամբ, այսօր այցելեցին Ծիծեռնակաբերդ:
Հարգանքի տուրք մատուցելով անմեղ նահատակների հիշատակին՝ Ն.Ս.Օ.Տ.Տ. Գարեգին Բ Ամենայն Հայոց կաթողիկոսն աղոթք կարդաց Հայոց ցեղասպանության զոհերի հոգիների հանգստության համար:
Հայոց ցեղասպանության թանգարան-ինստիտուտի աջակցությամբ ցուցադրություն բացվեց Սեուլում
24.04.2014
Ապրիլի 24-ին Հայոց ցեղասպանության թանգարան-ինստիտուտի աջակցությամբ կորեական Սեուլ քաղաքում՝ Կորեայի Հանրապետության Ազգային ժողովի ընդունելությունների սրահում, բացվել է Հայոց ցեղասպանության 99-րդ տարելիցին նվիրված ժամանակավոր ցուցադրություն:
Ցուցահանդեսին ներկայացվեցին Հայոց ցեղասպանության մասին պատմող մի քանի տասնյակ լուսանկարներ և պաստառներ, որոնք դիտելու էին եկել Կորեայի Հանրապետության բազմաթիվ քաղաքացիներ, այդ թվում՝ պատգամավորներ, գործարարներ, լրագրողներ:
Հարգանքի տուրք Հայոց ցեղասպանության զոհերի հիշատակը հավերժացնող հուշահամալիրում
24.04.2014
Այսօր Հայոց ցեղասպանության զոհերի հիշատակման օրն է` Հայոց ցեղասպանության 99-րդ տարելիցը:
Յուրաքանչյուր տարի, ապրիլի 24-ին, հարյուր հազարավոր մարդիկ Հայաստանից և Սփյուռքից, ինչպես նաև բազմաթիվ օտարերկրյա քաղաքացիներ այցելում են Ծիծեռնակաբերդի հուշահամալիր` անմար կրակի մոտ ծաղիկներ դնելու և Հայոց ցեղասպանության անմեղ նահատակների հիշատակին հարգանքի տուրք մատուցելու համար:
ԱՄՆ կոնգրեսականները այցելեցին Հայոց ցեղասպանության հուշահամալիր
24.04.2014
ԱՄՆ ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսը, ավագ անդամ Էլիոթ Էնգելը, Դեյվիդ Սիսիլին, Լոիս Ֆրենկելն Հայոց ցեղասպանության 99-րդ տարելիցի կապակցությամբ այցելեցին Ծիծեռնակաբերդ՝ Հայոց ցեղասպանության զոհերի հուշահամալիր:
ԱՄՆ կոնգրեսականները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
ՀՑԹԻ-ի տնօրեն Հայկ Դեմոյանի պատասխանը Էրդողանի հայտարարությանը
24.04.2014
Հարգելի վարչապետ,
Ինձ համար զարմանալի է, որ Առաջին համաշխարհային պատերազմի ընթացքում Օսմանյան կայսրության կառավարության կողմից հայերի և այլ քրիստոնյաների հանդեպ իրականացված ցեղասպանությունից 99 տարի անց Թուրքիայի այսօրվա առաջնորդը պարզապես ցավ է հայտնում «1915թ. իրադարձությունների համար» ապրիլի 24-ի՝ Ցեղասպանության զոհերի հիշատակի նախօրեին: Պետք է խոստովանեմ, որ սա կարևոր քայլ է, բայց, ցավոք, այն ուղղված չէ ճշմարտության բացահայտմանը, պատմության հետ առերեսմանը, ինչպես նաև Հայաստանի և Թուրքիայի միջև համերաշխության հաստատմանը:
Լիտվայի Հանրապետության ազգային պաշտպանության նախարարը հարգանքի տուրք մատուցեց անմեղ զոհերի հիշատակին
23.04.2014
Հայաստանի Հանրապետություն ժամանած Լիտվայի Հանրապետության ազգային պաշտպանության նախարար Յուոզաս Օլեկասը և նրան ուղեկցող պատվիրակությունն այցելեց Ծիծեռնակաբերդ՝ Հայոց ցեղասպանության զոհերի հուշահամալիր:
ԼՀ ազգային պաշտպանության նախարարը ծաղկեպսակ դրեց Մեծ եղեռնի զոհերի հուշարձանին: Այնուհետև, Յուոզաս Օլեկասը և նրան ուղեկցող պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Առաջին համաշխարհային պատերազմին նվիրված միջազգային գիտաժողովն ամփոփեց իր աշխատանքները
22.04.2014
Հայոց ցեղասպանության թանգարան – ինստիտուտի գիտաժողովների սրահում իր աշխատանքայի երկրորդ օրը մեկնարկեց «Առաջին համաշխարհային պատերազմի Կովկասյան ճակատը. ցեղասպանություն, փախստականներ և մարդասիրական օգնություն» խորագիրը կրող միջազգային գիտաժողովը:
Ելույթ ունեցան ՀՑԹԻ գիտաշխատողներ պ.գ.թ. Գևորգ Վարդանյանը, գիտաշխատող Գոհար Խանումյանը, Լուսինե Աբրահամյանը, Ռոբերտ Թաթոյանը, ինչպես նաև ԳԱԱ պատմության ինստիտուտի գիտաշխատող, պ.գ.թ. Քնարիկ Ավագյանը, Հայոց ազգագրության և ազատագրական պայքարի պատմության ազգային թանգարանի գիտաշխատող Խորեն Գրիգորյանը:
Միջազգային գիտաժողովը մեկնարկեց իր աշխատանքները
21.04.2014
Այսօր ժամը 10:30-ից Հայոց ցեղասպանության թանգարան-ինստիտուտի գիտաժողովների սրահում մեկնարկվեց «Առաջին համաշխարհային պատերազմի Կովկասյան ճակատը. ցեղասպանություն, փախստականներ և մարդասիրական օգնություն» միջազգային գիտաժողովի առաջին օրվա աշխատանքները:
Գիտաժողովում զեկույցներով հանդես կգան առաջատար մասնագետներ ինչպես Հայաստանից, այնպես էլ Ռուսաստանի Դաշնությունից, Իտալիայից, Կանադայից, Ֆրանսիայից, Նորվեգիայից, Հունգարիայից և ԱՄՆ-ից:
«ԱՌԱՋԻՆ ՀԱՄԱՇԽԱՐՀԱՅԻՆ ՊԱՏԵՐԱԶՄ. դաշնակիցներ, կերպարներ, կոտորածներ» ժամանակավոր ցուցադրության բացումը
21.04.2014
Այսօր Հայոց ցեղասպանության թանգարան-ինստիտուտում բացվեց Առաջին համաշխարհային պատերազմի 100-րդ տարելիցի կապակցությամբ կազմակերպված «Առաջին համաշխարհային պատերազմ. դաշնակիցներ, կերպարներ, կոտորածներ» խորագրով ժամանակավոր ցուցադրությունը:
Ցուցադրությունում ներկայացված են մինչ օրս անհայտ հարյուրավոր բնօրինակ նմուշներ` ծաղրանկարներ, փոստային բացիկներ, պաստառներ և այլ նյութեր, որոնք յուրովի դատապարտում են Օսմանյան կայսրությանը` որպես ցեղասպանություն իրագործած պետության:
ՀՑԹԻ տնօրեն Հայկ Դեմոյանի հաշվետու ասուլիսը
18.04.2014
Այսօր Հայոց ցեղասպանության թանգարան-ինստիտուտի նախասրահում տեղի ունեցավ ՀՑԹԻ տնօրեն, Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի քարտուղար Հայկ Դեմոյանի տարեկան հաշվետու մամուլի ասուլիսը:
Ասուլիսում Հայկ Դեմոյանն անդրադարձավ նախորդ տարվա ընթացքում թանգարան-ինստիտուտի գործունեության հիմնական արդյունքներին:
ԱՊՀ անդամ երկրների սահմանապահ զորքերի շտաբերի պետերն այցելեցին Ծիծեռնակաբերդ
17.04.2014
ԱՊՀ անդամ երկրների սահմանապահ զորքերի շտաբերի պետերն այցելեցին Ծիծեռնակաբերդ՝ Հայոց ցեղասպանության զոհերի հուշահամալիր:
Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Թուրքմենստանի սահմանապահ զորքերի շտաբերի պետերին Հայոց ցեղասպանության թանգարան – ինստիտուտի փոխտնօրեն Սուրեն Մանուկյանի ներկայացրեց Հայոց ցեղասպանության ընդհանուր պատմությունը:
Ցեղասպանություն և տարհանում
Հայ երեխաների տարհանումն Օսմանյան Թուրքիայից 1914-1922թթ.
15.04.2014
1914-1922 թթ. Հայոց ցեղասպանության հետևանքով շուրջ 500 000 հայ երեխաներ սպանվեցին (ողջակիզվեցին, թունավորվեցին, խեղդամահ արվեցին), մահացան սովից, տարբեր համաճարակային հիվանդություններից: Ցեղասպանությունը վերապրած շատ երեխաներ՝ որբացան, բռնի իսլամացվեցին: Կենդանի մնացածներին վերահաս մահից փրկելու և կայսրության տարածքից տարհանելու գործուն աշխատանքներ իրականացրեցին հայկական միությունները, եկեղեցական կառույցները, օտարերկրյա նպաստամատույց կազմակերպությունները (Մերձավոր Արևելքի ամերիկյան նպաստամատույց կոմիտե, Լոնդոնի քաղաքագլխի ֆոնդ, Դանիացի տիկնանց միություն, Ռուսական Կարմիր խաչ, Ռուսաստանի քաղաքների միություն և այլն), ինչպես նաև միջազգային կազմակերպությունները (Կարմիր խաչ, Ազգերի լիգա):
«Հայոց ցեղասպանության հարյուրամյակի նախաշեմին» խորագրով միջազգային համաժողով Բուենոս Այրեսում
14.04.2014
Ապրիլի 9-11-ը Բուենոս Այրեսում` Բորխեսի մշակութային կենտրոնի «Վիլյամս» սրահում, Արգենտինայում ՀՀ դեսպանության հովանու ներքո անցկացվեց «Հայոց ցեղասպանության հարյուրամյակի նախաշեմին» խորագրով միջազգային համաժողով, որը կազմակերպել էին Բուենոս Այրեսի պետական համալսարանը, համալսարանին կից Ցեղասպանության ուսումնասիրությունների կենտրոնը և Բուենոս Այրեսի Հայոց ցեղասպանության հիշատակի հիմնադրամը:
Միջազգային համաժողովին մասնակցում էին Արգենտինայի, Հայաստանի, ԱՄՆ-ի, Մեքսիկայի, Բրազիլիայի, Ֆրանսիայի, Շվեյցարիայի, Թուրքիայի համալսարանական, ակադեմիական և գիտահետազոտական ինստիտուտների ներկայացուցիչնե:
ՀԱՊԿ բարձրաստիճան պաշտոնյաների պատվիրակությունն այցելեց Ծիծեռնակաբերդ
09.04.2014
Ռուսաստանի ԶՈՒ բարձրաստիճան պաշտոնյաների պատվիրակությունն ապրիլի 9-ին այցելեց Ծիծեռնակաբերդ՝ Հայոց ցեղասպանության զոհերի հուշահամալիր:
Պատվիրակությունը գլխավորում էին ՌԴ ԶՈՒ օդատիեզերային պաշտպանությանզորքերի շտաբի պետ, օդատիեզերային պաշտպանության զորքերի հրամանատարիառաջին տեղակալ, գեներալ-լեյտենանտ Պավել Կուրաչենկոն, ԱՊՀ մասնակից պետությունների պաշտպանության նախարարների խորհրդի քարտուղար Ալեքսանդր Սինայսկին և ՀԱՊԿ միացյալ շտաբի պետ, գեներալ-լեյտենանտ Ալեքսանդր Ստուդենիկը:
Միջազգային գիտաժողով` նվիրված Հայոց ցեղասպանության ժառանգների փրկողներին
05.04.2014
Լոս Անջելեսի Արարատ-Էսքիջյան թանգարանում 2014 թ. մարտի 22-ին տեղի ունեցավ «Պատվել նրանց, ովքեր օգնել են Հայոց ցեղասպանությունից փրկված սերնդին (1915-1930 թթ.)» խորագրով միջազգային գիտաժողովը:
Առաջին Համաշխարհային պատերազմի հարյուրամյակի կապակցությամբ անցկացվող այս միջոցառումը յուրահատուկ հարգանքի տուրք էր այն բոլոր պետություններին ու անհատներին, որոնք օգնության ձեռք էին մեկնել կործանվող մի ազգի:
Հայերը Քեսաբում. գոյատևման շարունակական պայքար
28.03.2014
Քեսաբի հայաբնակ շրջանը (կենտրոնը՝ Քեսաբ գյուղաքաղաք) տեղակայված է Սիրիայի հյուսիս-արևմուտքում, Հալեպի գավառում՝ Ալեքսանդրեթի, Անտիոքի ու Լաթաքիա քաղաքների մոտակայքում, Միջերկրական ծովեզերքից 3 կմ հեռավորության վրա:
Կիլիկիայում և Ասորիքի առափնյա շրջաններում հայերի ներկայությունը վկայված է Տիգրան Մեծի ժամանակներից:
ԱՄՆ-ում ՀՑԹԻ տնօրեն դոկտ. Հայկ Դեմոյանը ներկայացրեց նոր նյութեր կապված Ավրորա Մարտիկանյանի հետ
15.03.2014
Մարտի 8-ին Բոստոնում տեղի ունեցավ ՀՑԹԻ տնօրեն Հայկ Դեմոյանի դասախոսությունը, որը նվիրված էր Ավրորա Մարտիկանյանին: Միջոցառումը նվիրված էր կանանց միամսյակին և կանանց միջազգային տոնին: Միջոցառումը կազմակերպվել էր Հայաստանի մշակութային հիմնադրամի կողմից և Ազգային Ասոցիացիայի Հայկական Հետազոտությունների և Հայ Կանանց Միջազգային Ասոցիացիայի հովանավորությամբ:
Ավրորա Մարտիկանյանի հետ կապված նոր հայտնաբերված նյութերի հիման վրադոկտ. Դեմոյանը պատկերավոր դասախոսություններկայացրեց: Մարտիկանյանի պատմությունը նման է թուրքական վայրագություններից հրաշքով փրկված հազարավոր մարդկանց պատմությանը: Բայց միաժամանակ այն ունի մի յուրահատկություն:
Սերբիայի Հանրապետության արտաքին գործերի նախարար Իվան Մրկիչը այցելեց Ծիծեռնակաբերդ
10.03.2014
Սերբիայի Հանրապետության արտաքին գործերի նախարար Իվան Մրկիչի գլխավորած պատվիրակությունը մարտի 10-ին այցելեց Ծիծեռնակաբերդ՝ Հայոց ցեղասպանության զոհերի հուշահամալիր:
Իվան Մրկիչը ծաղկեպսակ դրեց Մեծ եղեռնի զոհերի հուշարձանին: Սերբիայի արտգործնախարարը և նրան ուղեկցող պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
ՀՑԹՒ տնօրեն Հայկ Դեմոյանը Փարիզում հանդիպեց Շոայի հուշահամալիր-թանգարանի տնօրեն Ժակ Ֆրեջի հետ
05.03.2014
Մարտի 4-ին Փարիզում տեղի ունեցավ Հայոց ցեղասպանության հարյուրերորդ տարելիցի միջոցառումները համակարգող պետական հանձնաժողովի քարտուղար, Հայոց ցեղասպանության թանգարան-ինստիտուտի տնօրեն Հայկ Դեմոյանի հանդիպումը Փարիզում գտնվող Շոայի հուշահամալիր-թանգարանի (Memorial de la Shoah) տնօրեն Ժաք Ֆրեջի հետ:
Հանդիպման ընթացքում Հայկ Դեմոյանը և Ժակ Ֆրեջը քննարկեցին երկու հաստատությունների միջև համատեղ հետազոտությունների, կրթական ծրագրերի և տեղեկատվության փոխանակման ոլորտներում համագործակցության և ժխտողականության դեմ պայքարին ուղղված համատեղ ծրագրերի մշակման հարցեր:
Համահայկական ձմեռային առաջին խաղերի մասնակիցներն այցելեցին Ծիծեռնակաբերդ
28.02.2014
Համահայկական ձմեռային առաջին խաղերի մասնակիցները փետրվարի 28-ին այցելեցին Ծիծեռնակաբերդի Հայոց ցեղասպանության զոհերի հուշահամալիր:
Տարբեր երկրներից ժամանած հայազգի մարզիկների պատվիրակության ներկայացուցիչները ծաղկեպսակներ դրեցին Մեծ եղեռնի զոհերի հուշարձանին: Հյուրերը ծաղիկներ դրեցին նաև Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Վրաստանի Նախագահ Գիորգի Մարգվելաշվիլին այցելեց Ծիծեռնակաբերդ
27.02.2014
Պաշտոնական այցով Երևան ժամանած Վրաստանի Նախագահ Գիորգի Մարգվելաշվիլին Հայաստանի և Վրաստանի բարձրաստիճան պաշտոնյաների ուղեկցությամբ այցելեց Ծիծեռնակաբերդի հուշահամալիր:
Վրաստանյան պատվիրակությունը հարգանքի տուրք մատուցեց Հայոց ցեղասպանության անմեղ զոհերի հիշատակին և ծաղիկներ դրեց Հայոց ցեղասպանության զոհերի հուշակոթողին:
Հունաստանի խորհրդարանի նախագահ Էվանգելոս Մեյմարակիսի այցելեց Ծիծեռնակաբերդ
25.02.2014
Հունաստանի խորհրդարանի նախագահ Էվանգելոս Մեյմարակիսի գլխավորած պատվիրակությունը փետրվարի 25-ին այցելեց Ծիծեռնակաբերդ՝ Հայոց ցեղասպանության զոհերի հուշահամալիր:
Էվանգելոս Մեյմարակիսը ծաղկեպսակ դրեց Մեծ եղեռնի զոհերի հուշարձանին: Հունաստանի խորհրդարանի նախագահը և նրան ուղեկցող պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Հրատարակվել է Վոլֆգանգ Գուստի «Հայոց ցեղասպանությունը. ապացույցներ Գերմանիայի արտգործնախարարության արխիվից, 1915-1916թթ.» գրքի անգլերեն թարգմանությունը
20.02.2014
Տորոնտոյի (Կանադա) Զորյան ինստիտուտը հրատարակել է «Հայոց ցեղասպանությունը. ապացույցներ Գերմանիայի արտգործնախարարության արխիվից, 1915-1916թթ.» գրքի անգլերեն տարբերակը:
Գիրքը պարունակում է հարյուրավոր նամակներ, հեռագրեր ու զեկույցներ, որոնք Առաջին համաշխարհային պատերազմի տարիներին Օսմանյան կայսրությունում գտնվող գերմանացի պաշտոնյաներն ուղարկել են իրենց երկրի արտգործնախարարությանը: Այս փաստաթղթերն անհերքելի փաստեր են ներկայացնում Ցեղասպանությունն իրագործելու երիտթուրքերի մտադրության և դրա մասին գերմանական պաշտոնյաների տեղյակ ու հանցակից լինելու վերաբերյալ:
Հովհաննես Թումանյան - 145
19.02.2014
2014 թ.փետրվարի 19-ին լրանում է մեծանուն բանաստեղծ, արձակագիր, գրական, ազգային և հասարակական գործիչ Հովհաննես Թումանյանի ծննդյան 145-ամյակը: Հայոց ցեղասպանության տարիներին Հ. Թումանյանն անտարբեր չմնաց Օսմանյան կայսրությունում բնաջնջվող իր ժողովրդի ճակատագրին:
1915 թվականին նա իր դստեր` Նվարդի հետ Թիֆլիսից մեկնեց Էջմիածին, ուր ապաստանել էին Հայոց ցեղասպանությունից մազապուրծ հայ գաղթականներ, որոնց մեջ մեծ թիվ էին կազմում հատկապես անապաստան, խնամազուրկ որբերը: Այստեղ նրա անմիջական ղեկավարությամբ և վերահսկողությամբ բացվում է որբանոց, ուր ապաստան է գտնում շուրջ 3000 երեխա:
Միջխորհրդարանային միության բրիտանական խմբի պատվիրակությունը այցելեց Ծիծեռնակաբերդ
18.02.2014
Միջխորհրդարանային միության բրիտանական խմբի պատվիրակությունը փետրվարի 18-ին այցելեց Ծիծեռնակաբերդ՝ Հայոց ցեղասպանության զոհերի հուշահամալիր: Պատվիրակության անդամները ծաղիկներ դրեցին Մեծ Եղեռնի զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
Բրիտանական պատվիրակությունը նաև եղավ Հայոց ցեղասպանության թանգարան-ինստիտուտում, որտեղ ծանոթացավ ՀՑԹԻ թանգարանային հավաքածուում ընգրկված հայերի կոտորածների մասին պատմող բրիտանական մամուլի արխիվային նյութերի հետ:
Մի շշի պիտակը բերում է հետազոտության
Հոդվածը Քեթրին Յամադայի` հրատարակված Գլենդել Նյուզ Փրես գործակալությունում
14.02.2014
Անցյալ ամառ, Օրեգոնի հնաոճ իրերի խանութներից մեկում պատահաբար տեսա բրնձով լցված մի ապակե շիշ, վերցրեցի և պիտակի վրա կարդացի. «750 երեխաների օրական պարենը Մերձավոր Արևելքի նպաստամատույց կոմիտեի մի որբանոցում կազմում է 40 ֆունտ բրինձ, 7/8 ունցիայից պակաս յուրաքանչյուր երեխայի համար: Այս քիչ քանակի բացակայության պատճառով կազմակերպությունը ստիպված մերժում էր ընդունել հազարավոր երեխաների: Կարո՞ղ եք օգնել»:
Պիտակի վրա նշված էր Սամուել Գ. Լանկասթեր անունը որպես նախագահ, Ջ. Ջ. Հանդսակեր որպես տնօրեն, և կար հետևալ հասցեն` 606 Ստոք Էքչենջ շենք, Պորտլանդ, Օրեգոն, առանց որևէ ամսաթվի կամ այլ տեղեկության:
Գնեցի այդ շիշը, բերեցի տուն ու դրեցի դարակներից մեկում՝ խոստանալով ինքս ինձ մի օր ուսումնասիրել այդ փաստը:
Դեսպան Հենրի Մորգենթաուի պատմությունն առաջին անգամ հրատարակվել է արևելահայերեն
12.02.2014
Հայոց ցեղասպանության թանգարան-ինստիտուտն առաջին անգամ հայ ընթերցողին է ներկայացնում 1913-1916թթ. Օսմանյան Թուրքիայում ԱՄՆ դեսպան Հենրի Մորգենթաուի հուշերի լիակատար արևելահայերեն հրատարակությունը:
Այս հուշագրությունը եզակի սկզբնաղբյուրի նշանակություն ունի Հայոց ցեղասպանության պատմության, ի մասնավորի` թուրքական պետության կողմից այդ նպատակադրված և ծրագրավորված հանցագործության ծալքերը բացահայտելու, ժամանակի թուրքական հանցավոր վարչակարգի մտայնությունների բացահայտման և ուսումնասիրման համար: ԱՄՆ դեսպանի այս հուշագրությունը, հիրավի, կոթողային մի գործ է, որտեղ ներկայացված փաստերն ու վկայություններն անհերքելիորեն ապացուցում են ցեղասպանության ծրագրված և նպատակային իրագործված լինելու հանգամանքը:
Ի հիշատակ Արշալույս (Ավրորա) Մարտիկանյանի մահվան 20-րդ տարելիցի
07.02.2014
Հայոց ցեղասպանությունը վերապրած ծագումով Չմշկածագից Արշալույս (Ավրորա) Մարտիկանյանի և նրա կյանքի ոդիսականի պատմությունը մեկն է այն բազմաթիվ տպավորիչ ու զգայացունց պատմություններից, որի միջոցով կարելի է պատմել Հայոց ցեղասպանության ընդհանուր պատմությունը:
Տասնչորս տարեկանում կորցնելով ընտանիքը, որի անդամները գազանաբար սպանվել էին նրա աչքերի առջև, Արշալույսը տարագրության ընթացքում խոշտանգվել ու պատվազրկվել է գերմանացի սպաների կողմից, թուրք և քուրդ պաշտոնյաների ու ցեղապետերի հարեմներում:
«Ազգի Առաքյալ» հուշամեդալի հանձման արարողություն
06.02.2014
Երկրորդ համաշխարհային պատերազմի ռազմական բժիշկ Հարություն Խաչատրյանը հետմահու արժանացել է «Ազգի Առաքյալ» հուշամեդալի (Righteous Among the Nations Award) հրեական «Յադ Վաշեմ» (Yad Vashem) կազմակերպության կողմից:
Փետրվարի 4-ին տեղի ունեցած միջոցառման ժամանակ Իսրայելի արտակարգ և լիազոր դեսպան պարոն Շմուել Մայրոմը և Հայաստանում Իսրայելի պատվավոր հյուպատոս պարոն Աշոտ Շախմուրադյանը հուշամեդալը հանձնեցին Հարություն Խաչատրյանի թոռնուհուն` երգչուհի Աննա Խաչատրյանին:
The Guardian-ի անդրադարձը Հայոց ցեղասպանության վերապրածի պատմությանը
25.01.2014
Բրիտանական հեղինակավոր The Guardian պարբերականն անդրադրաձել է Հայոց ցեղասպանությունը վերապրած 106 ամյա Օվսաննա Գալուստյանի պատմությանը «Առաջին Համաշխարհային պատերազմ. վերջին վերապրածների հիշողությունները» հատուկ նախագծի շրջանակներում: Նախագիծն իրականացվել է եվրոպական 4 այլ թերթերի հետ համատեղ։
Վարուժան Ոսկանյանի «Շշուկների մատյան» վեպը
21.01.2014
«Շշուկների մատյան» վեպը հրատարակվել է 2009թ. Բուխարեստում և դարձելհրատարակչական տարվա ամենաբարձր գնահատականի արժանացած ևամենաշատ մրցանակներ ստացած գործերից մեկը:
Շշուկների մատյանը պատմում է Հայոց ցեղասպանության և 20-րդ դարիսարսափների մասին: Ցեղասպանության արհավիրքների և օտար ափերումվերապրել փորձող հայ տարագիրների մասին գրեթե փաստագրականճշգրտությամբ պատմող այս ցնցող գործն արժանացել է միջազգային մամուլի ևգրական շրջանակների բարձր գնահատականներին: Գիրքը թարգմանվել է մի շարք լեզուներով` հայերեն, ֆրանսերեն, իսպաներեն,գերմաներեն և այլն:
ՀՑԹԻ հրատարակել է Արսեն Ավագյանի «Հայոց ցեղասպանություն. որոշումների ընդունման և իրականացման մեխանիզմները» գիրքը
09.01.2014
ՀՑԹԻ հրատարակել է պատմական գիտությունների դոկտոր Արսեն Ավագյանի «Հայոց ցեղասպանություն. որոշումների ընդունման և իրականացման մեխանիզմները» գիրքը: Արխիվային նյութերի և սկզբնաղբյուրների վրա հիմնված այս հետազոտությունը բացահայտում է Առաջին համաշխարհային պատերազմի և դրան հաջորդած տարիների ընթացքում Հայոց ցեղասպանության կազմակերպման գործում որոշումների ընդունման մեխանիզմներն ու դրանց իրագործումը:
Գրքում խորը և բազմակողմանի վերլուծության են ենթարկվում երիտթուրքերի` հայերի ոչնչացման մասին որոշումների ընդունման գործում պատասխանատու «Միություն և առաջադիմություն» կուսակցության ներքին կառուցվածքը, իթթիհադի Կենտրոնական մարմնում ուժերի տեղաբաշխումը, «Հատուկ կազմակերպության» ստեղծման գործընթացն ու կառուցվածքը, ինչպես նաև լուսաբանվում է երիտթուրքական կառավարության և խորհրդարանի պատասխանատվությունն Առաջին համաշխարհային պատերազմի տարիներին Օսմանյան կայսրությունում քրիստոնյա բնակչության բնաջնջման գործում:
Լույս է տեսել Նարինե Մարգարյանի «Հայոց ցեղասպանության հետևանքով Սիրիայում հաստատված հայ տարագիրների կարգավիճակը և հայ-արաբական փոխհարաբերությունները (1915-1925թթ.)» աշխատությունը
21.12.2013
Հայոց ցեղասպանության թանգարան-ինստիտուտը հրատարակել է ՀՑԹԻ գիտաշխատող, պ.գ.թ. Նարինե Մարգարյանի «Հայոց ցեղասպանության հետևանքով Սիրիայում հաստատված հայ տարագիրների կարգավիճակը և հայ-արաբական փոխհարաբերությունները (1915-1925թթ.)» աշխատությունը:
Գրքի հեղինակը՝ Նարինե Մարգարյանն, անդրադառնում է Հայոց ցեղասպանությունից հետո Սիրիայում հանգրվանած հայ տարագիրներին առնչվող խնդիրներին՝ քննության նյութ դարձնելով վերջիններիս նկատմամբ Սիրիայի արաբ բնակչության ունեցած դիրքորոշումն ու կեցվածքը:
Հայոց ցեղասպանության հարավաֆրիկյան արձագանքը
Նվիրվում է Նելսոն Մանդելայի հիշատակին
11.12.2013
Հայոց ցեղասպանության թանգարան-ինստիտուտի հավաքչական աշխատանքների արդյունքում հայտնաբերվեց հազվագյուտ մի փաստաթուղթ, որը վկայում է 1921թ. Հարավային Աֆրիկայի ցեղախմբերից մեկի կողմից հայ որբերին օգնություն ցուցաբերելու մասին:
Հարավային Աֆրիկայի Անկախ եկեղեցու պատվելիներից մեկն իր կարիքավոր վիճակում գտնվող համայնքի անունից՝ շուրջ երկու հարյուր հիսուն մարդ, հանգանակություն է կատարել ի օգուտ թուրքական բարբարոսություններից տուժած հայերի:
Սա եզակի մի վկայություն է մարդու իրավունքների պաշտպանության և մարդասիրության մասին, որը չի ճանաչում ռասայական ու աշխարհագրական որևէ սահմանափակում ու սահման:
