16.09.2026


Այսօր Հայոց ցեղասպանության թանգարան են այցելել բրազիլական առաջատար լրատվամիջոցների՝ VEJA ամսագրի լրագրող Ամանդա Պեչին և SBT հեռուստաընկերության լրագրող Մարկո Պագետին։

Այցը կազմակերպել էր Հայկական բարեգործական ընդհանուր միության (ՀԲԸՄ) Բրազիլիայի մասնաճյուղը:

Այցի ընթացքում լրագրողները նախ շրջել են թանգարանում և ծանոթացել մշտական ու ժամանակավոր ցուցադրություններին։

Շրջայցից հետո բրազիլացի լրագրողները հանդիպել են Հայոց ցեղասպանության թանգարան-ինստիտուտի տնօրենի ժամանակավոր պաշտոնակատար Հրաչյա Թաշչյանին և հարցազրույց անցկացրել նրա հետ։

Հարցազրույցի ընթացքում անդրադարձ է կատարվել Հայոց ցեղասպանության տարբեր ասպեկտներին, ինչպես նաև հայ-թուրքական հարաբերությունների արդի փուլին։

Այցի ընթացքում բրազիլացի լրագրողները տեղում ծանոթացել են Հայոց ցեղասպանության պատմությանը և դրա հիշողության պահպանման ուղղությամբ իրականացվող աշխատանքներին՝ նպատակ ունենալով հետագայում այդ թեմաները ներկայացնել բրազիլական լսարանին։