20.05.2026


Այսօր լրանում է Հայոց ցեղասպանության Հուշահամալիրի հեղինակներից մեկի՝ ճարտարապետ Սաշուր Քալաշյանի 90-րդ տարեդարձը։ «Հայոց ցեղասպանության թանգարան-ինստիտուտ» հիմնադրամի բոլոր աշխատակիցները սրտանց շնորհավորում են անվանի ճարտարապետին և մաղթում նրան երկար կյանք ու քաջառողջություն։

Հուշահամալիրը հիրավի Հայաստանի ամենագեղեցիկ կոթողներից է։ Նրա ճարտարապետական լուծումները զուսպ ու չափավոր են, սակայն ունեն խորհրդանշական մեծ նշանակություն և հոգեբանական խոր ազդեցություն այցելուների վրա։ Մարմնավորելով մեր ժողովրդի պատմական ամենաողբերգական էջերը ՝ Հուշահամալիրը դարձել է ուխտավայր և մեր ինքնության և հավաքական հիշողության անբաժանելի մաս։

Այս ամենի կերտողներից մեկը ճարտարապետ Սաշուր Քալաշյանն է։ Մենք մեր խորին երախտագիտությունն ենք հայտնում նրան՝ ստեղծագործական սխրանքի և ապագա սերունդներին թողած անգնահատելի ժառանգության համար։

Շնորհավոր տարեդարձդ, սիրելի՛ Սաշուր Քալաշյան։

Հարգանքով՝
ՀՑԹԻ հիմնադրամի աշխատակազմ