07.11.2014
ՀՀ Ազգային ժողովի և ԼՂ Ազգային ժողովի միջև համագործակցության հանձնաժողովի պատվիրակությունն այցելեց Ծիծեռնակաբերդ` Հայոց ցեղասպանության հուշահամալիր: Պատվիրակության կազմում էին ՀՀ Ազգային ժողովի փոխնախագահ Հերմինե Նաղդալյանը, ԼՂ Ազգային ժողովի նախագահ Աշոտ Ղուլյանը և այլ բարձրաստիճան պաշտոնյաներ:
Հյուրերին ուղեկցում էր Հայոց ցեղասպանության թանգարան – ինստիտուտի տնօրեն Հայկ Դեմոյանը:
ԼՂ Ազգային ժողովի նախագահ Աշոտ Ղուլյանը ծաղկեպսակ դրեց Մեծ եղեռնի զոհերի հուշարձանին: Ազգային ժողովի պատվիրակության անդամները եղան նաև ցեղասպանության զոհերի հիշատակը հավերժացնող անմար կրակի մոտ և մեկ րոպե լռությամբ հարգեցին անմեղ զոհերի հիշատակը:
ՀՑԹԻ տնօրենը ԼՂ Ազգային ժողովի նախագահ Աշոտ Ղուլյանին նվիրեց իր վերջին մենագրությունը` Հայոց ցեղասպանության լուսաբանումը համաշխարհային մամուլի առաջին էջերին պատկերազարդ գիրքը:
