|
Պատվիրակություններ |
Հայոց ցեղասպանության հուշահամալիր և թանգարան այցելած օտարերկրյա պատվիրակությունների համեմատաբար ամբողջական ցանկին կարող եք ծանոթանալ այս էջում՝
https://en.wikipedia.org/wiki/List_of_visitors_to_Tsitsernakaberd:
 |
03.04.2021
Ս․թ․ ապրիլի 3-ին ճանաչողական այցով Հայաստանում գտնվող` Եվրախորհրդարանում
Ֆրանսիայի ներկայացուցիչ Ֆրանսուա-Քզավիե Բելամինն այցելեց Հայոց ցեղասպանության
հուշահամալիր:
Պատգամավորին դիմավորեց և հուշահամալիրի ստեղծման պատմությունը ներկայացրեց Հայոց
ցեղասպանության թանգարան-ինստիտուտի տնօրեն Հարություն Մարությանը: Ֆրանսուա-Քզավիե
Բելամինը ծաղիկներ դրեց անմար կրակի մոտ և մեկ րոպե լռությամբ հարգեց զոհերի հիշատակը:
Պատգամավորն այցելեց նաև Հայոց ցեղասպանության թանգարան և գրառում կատարեց
Պատվավոր հյուրերի հուշամատյանում:
Այցի ավարտին Հարություն Մարությանը անգլալեզու և ֆրանսալեզու գրքեր նվիրեց պատգամավորին:
|
 |
25.03.2021
Ս.թ. մարտի 25-ին պաշտոնական այցով Հայաստան ժամանած Իրաքի Հանրապետության պաշտպանության նախարար Ջումաա Ինադ Սաադուն Խատտաբն այցելեց Հայոց ցեղասպանության հուշահամալիր:
Իրաքի Հանրապետության պաշտպանության նախարարի գլխավորած պատվիրակությանը դիմավորեց և հուշահամալիրի ստեղծման պատմությունը ներկայացրեց Հայոց ցեղասպանության թանգարան-ինստիտուտի տնօրեն Հարություն Մարությանը: Նախարար Ջումաա Ինադ Սաադուն Խատտաբը ծաղկեպսակ դրեց Հայոց ցեղասպանության զոհերի հիշատակը հավերժացնող հուշակոթողին, ծաղիկներ դրեց անմար կրակի մոտ և մեկ րոպե լռությամբ հարգեց զոհերի հիշատակը:
Նախարարն այցելեց նաև Հայոց ցեղասպանության թանգարան, որտեղ նրան 20-րդ դարի առաջին ցեղասպանությանը վերաբերող վավերագրերն ու ցուցանմուշները ներկայացրեց ՀՑԹԻ Հուշագրությունների, մամուլի և վավերագրերի ուսումնասիրության բաժին ղեկավար Միհրան Մինասյանը:
Այցի ավարտին նախարար Ջումաա Ինադ Սաադուն Խատտաբը գրառում կատարեց Պատվավոր հյուրերի հուշամատյանում:
|
 |
17.02.2021
Աշխատանքային այցով Հայաստան ժամանած Մեծ Բրիտանիայի և Հյուսիսային Իռլանդիայի Միացյալ Թագավորության արտաքին գործերի, համագործակցության և զարգացման նախարարության Եվրոպական հարևանության և Ամերիկայի հարցերով նախարար Ուենդի Մորթընը սույն թվականի փետրվարի 17-ին այցելեց Հայոց ցեղասպանության հուշահամալիր:
Բարձրաստիճան հյուրին դիմավորեց և հուշահամալիրի ստեղծման պատմությունը ներկայացրեց Հայոց ցեղասպանության թանգարան-ինստիտուտի տնօրեն Հարություն Մարությանը: Ուենդի Մորթընը ծաղկեպսակ դրեց Հայոց ցեղասպանության զոհերի հիշատակը հավերժացնող հուշակոթողին, ծաղիկներ դրեց անմար կրակի մոտ և մեկ րոպե լռությամբ հարգեց զոհերի հիշատակը:
|
|
|
Հայաստան, Երևան, 0028
Ծիծեռնակաբերդի հուշահամալիր
Հեռ.: (374 10) 39 09 81
Ֆաքս: (374 10) 39 10 41
|
|
|
