Հայոց ցեղասպանության թանգարան-ինստիտուտը (ՀՑԹԻ) շահույթ չհետապնդող կազմակերպություն է` հիմնված Երևանում (Հայաստանի Հանրապետություն):

Թանգարան-ինստիտուտի առաքելությունն է` 20-րդ դարի առաջին ցեղասպանությանը վերաբերող հիմնախնդիրների ակադեմիական, գիտական հետազոտությունը և վերլուծությունը, ինչպես նաև` տեքստային և վիզուալ նյութի ցուցադրության և այլ միջոցներով իր նպաստը բերել ցեղասպանության և քսենոֆոբիայի դեմ միջազգային հանրության պայքարին:

Մեր նպատակներն են.

- Նախաձեռնել մինչև ցեղասպանությունը և ցեղասպանության տարիներին Օսմանյան կայսրությունում արևմտահայերի կյանքին վերաբերող ֆոտոնյութի, փաստաթղթերի և այլ վավերագրերի հավաքում, ուսումնասիրություն և ներկայացում:

- Զարգացնել արդյունավետ համագործակցություն ամբողջ աշխարհում ցեղասպանության, հատկապես Հայոց ցեղասպանության ուսումնասիրության ոլորտում ներգրավված կազմակերպությունների և անձանց հետ:

- Ստեղծել և զարգացնել Հայաստանի Հանրապետությունում ցեղասպանագիտության գիտական դպրոց:

- Բարձրացնել միջազգային հանրության իրազեկությունը «մարդկության դեմ իրագործված հանցագործություն» բնորոշում ստացած` 20-րդ դարի առաջին ցեղասպանության մասին:

- Պահպանել և բարեկարգել ցեղասպանության զոհերի հիշատակին նվիրված Ծիծեռնակաբերդի հուշահամալիրը և դրան հարողԾիծեռնակաբերդի զբոսայգին:

Հայկազն Միհրդատ, ծնվել է 1864թ. Կ.Պոլսում, հասարակական-քաղաքական գործիչ, ազգային երեսփոխան, Պեշիքթաշի «Ահարոնյան ակումբի» նախագահ, Հայոց ցեղասպանության զոհ: