Home Map E-mail
 
Eng |  Հայ |  Türk |  Рус |  Fr  

Հիմնական էջ
Նորություններ
Առաքելություն
Տնօրենի ուղերձը
Կապ մեզ հետ
Նախօրեին
Հայոց պատմություն
Լուսանկարներ
Մտավորականներ
Հայոց Եղեռնը
Ցեղասպանություն
Հայոց ցեղասպանություն
Ժամանակագրություն
Լուսանկարներ
100 պատմություններ
Քարտեզագրում
Մշակութային եղեռն
Հիշի՛ր
Վավերագրեր
Ամերիկյան
Անգլիական
Գերմանական
Ռուսական
Ֆրանսիական
Ավստրիական
Թուրքական

Հետազոտում
Մատենագիտություն
Վերապրողներ
Ականատեսներ
Միսիոներներ
Մամուլ
Մեջբերումներ
Դասախոսություններ
Ճանաչում
Պետություններ
Կազմակերպություններ
Տեղական
Արձագանք
Իրադարձություններ
Պատվիրակություններ
Էլ. թերթ
Հոդվածներ
Գիտաժողովներ
Օգտակար հղումներ
   Թանգարան
Թանգարանի մասին
Այցելություն
Մշտական ցուցադրություն
Ժամանակավոր
Օն լայն  
Շրջիկ ցուցադրություններ  
Հիշատակի բացիկներ  
   Ինստիտուտ
Գործունեությունը
Հրատարակություններ
ՀՑԹԻ հանդեսներ  
Գրադարան
ՀՑԹԻ հավաքածուները
   Եղեռնի հուշահամալիր
Պատմությունը
Հիշողության պուրակ
Հիշատակի օր
 

Armenian General Benevolent Union
All Armenian Fund
Armenian News Agency
armin
armin
armin
armin
armin




Նորություններ

Հայ նահատակների աճյունները Դեր Զորում

«100 լուսանկարչական պատմություններ Հայոց ցեղասպանության մասին» հատուկ նախագիծ

06.08.2016


Լուսանկարում ներկայացված է Հայոց ցեղասպանության նահատակների մասունքների դուրսբերումը Դեր Զորի անապատում գտնվող հայերի հավաքական գերեզմանոցից: Փոսում կանգնած է Հարություն Հովակիմյանը, կողքին (ձախից)` պանդոկապետ Մուրադ Գլճյանը:
Հետին պլանում Դեր Զորի Սուրբ Հռիփսիմե եկեղեցու ժամկոչն է և անհայտ մի բանվոր:

Լուսանկարն արվել է 1938 թվականին լուսանկարիչ Օնիկի (ազգանունն անհայտ է) կողմից:

1938 թ. օգոստոս 15-ին Մեծի Տանն Կիլիկիո կաթողիկոս Սահակ Բ Խապայանի, Կոստանդնուպոլսի նախկին պատրիարք Զավեն արք. Տեր-Եղիայանի, Երուսաղեմի պատրիարք Մեսրոպ արք. Նշանյանի և Կիլիկիո կաթողիկոսության ընդհանուր փոխանորդ Պետրոս արք. Սարաճյանի մասնակցությամբ տեղի ունեցավ խորհրդակցություն, որի ժամանակ որոշվեց ցեղասպանության զոհերի հիշատակին նվիրված հուշարձան կառուցել Անթիլիասի կաթողիկոսարանի տարածքում և այնտեղ ամփոփել Մեծ եղեռնի զոհերի աճյունները:

Աճյունները հավաքելու պարտականությունը վստահվեց հաճնեցի Հարություն Հովակիմյանին, ով, 1927-1935 թվականներին որբահավաք աշխատանքներ իրականացնելով սիրիական անապատներում, քաջածանոթ էր այդ տեղանքին: Նա տիկին Սաթենիկ Հայկյանի ընկերակցությամբ ուղևորվում է դեպի Դեր Զորի այն հատվածը, որտեղ 1915-ին թուրք գավառապետ Զեքի փաշայի հրամանով սպանվել էին Զեյթունի հոգևոր առաջնորդ Հովհաննես Ծ. Վարդապետ Գառանֆիլյանը, Քիլիսի երևելի մարդկանցից Թորոս Չաղլասյանը, Այնթապի գերմանական դրամատան տնօրեն Լևոն Սահակյանը և ուրիշներ:

Հ. Հովակիմյանը Դեր Զորում բնակվող պանդոկապետ Մուրատ Գլճյանի, Դեր Զորի Սուրբ Հռիփսիմե եկեղեցու ժամկոչի և մի բանվորի օգնությամբ փոսից հանում է նահատակների աճյունների մի մասը, ապա նույն խմբով հավաքում են Դեր Զորի կամրջի մոտ նահատակված հազարավոր հայ մանուկների աճյունների մի մասը:

Հարություն Հովակիմյանը զանգվածային կոտորածների այլ վայրերից` Շեդդադեից և Մարգադեից հավաքում է անթաղ նահատակների մասունքների մի մասը և բոլորը միասին, երեք արկղով, տեղափոխում Անթիլիաս` հանձնելով Կիլիկիո կաթողիկոսությանը:
Մասունքները հետագայում ամփոփվեցին Դեր Զորի Սրբոց նահատակաց եկեղեցում:


Լուսանկարի աղբյուրը` Հայաստանի ազգային արխիվի հավաքածու











ՀԵՏԵՎԵ՝Ք ՄԵԶ



ԼԵՄԿԻՆԻ ԿՐԹԱԹՈՇԱԿ

Lemkin
ՀՑԹԻ ՄԵԿՆԱՐԿՈՒՄ Է
2019 Թ. ՌԱՖԱՅԵԼ ԼԵՄԿԻՆԻ
ԱՆՎԱՆ ԿՐԹԱԹՈՇԱԿԸ

ԹՈՒՄԱՆՅԱՆ 150

100photo

«ՀՑԹԻ» հիմնադրամ
ՀՀ, Երևան 0028
Ծիծեռնակաբերդի խճուղի, 8/8
Հեռ.: +374 10 390981
    2007-2019 © Հայոց ցեղասպանության թանգարան-ինստիտուտ     Էլ.հասցե: info@genocide-museum.am