02.12.2023


Ս. թ. նոյեմբերի 2-3–ին Հունաստանի Աթենք քաղաքում կայացել է «Հայեր և հրեաներ. Ցեղասպանության տրավմատիկ բեկվածքները» (“Armenians and Jews: The Traumatic Ruptures of Genocides”) խորագրով միջազգային գիտաժողովը, որին մասնակցել և զեկուցումով է հանդես եկել Հայոց ցեղասպանության թանգարան–ինստիտուտի ավագ գիտաշխատող, պ. գ. թ. Ռոբերտ Թաթոյանը։

ՀՑԹԻ աշխատակցի ներկայացրած «Հայոց ցեղասպանության հետևանքով արևմտահայության կրած մարդկային և նյութական կորուստները վիճակագրելու ուղղությամբ Կ. Պոլսի Հայոց պատրիարքարանի աշխատանքները 1919-21 թվականներին» (Activities of the Constantinople Armenian Patriarchate in 1919-1921 aimed at statistical counting of human and material losses suffered by the Ottoman Armenians as a result of the Armenian Genocide) թեմայով ուսումնասիրությունը մեծ հետաքրքրությամբ է ընդունվել գիտաժողովի մասնակիցների կողմից։

Գիտաժողովը կազմակերպվել էր Աթենքի համալսարանի (University of Athens), Աթենքում ֆրանսիական դպրոցի (École française d’Athènes) և Աթենքի միջազգային հարաբերությունների ինստիտուտի (Institute of International Relations) համատեղ ջանքերով:

Գիտաժողովի ծրագրին կարելի է ծանոթանալ հետևյալ հղումով` https://www.efa.gr/storage/2023/10/2023-11-03-JUIFS-ET-ARMENIENS_programme.pdf ։