26.10.2015
Հոկտեմբերի 26-ին ՀՑԹԻ-ում կայացավ ԻԿՕՄ-ի (Թանգարանների միջազգային կոմիտեի) Մարքեթինգի և հանրահռչակման միջազգային կոմիտեի (MPR) տարեկան գիտաժողովի նիստը:
Գիտաժողովին մասնակցելու համար Երևան են ժամանել աշխարհի 16 երկրների տարբեր թանգարանների մարքեթինգի և հանրահռչակման մասնագետներ՝ իրենց փորձը փոխանակելու համար։ Օրակարգում քննարկվեց «Հակասություններ» ենթաթեման:
ՀՑԹԻ փոխտնօրեն Սուրեն Մանուկյանը ներկայացրեց «Ցեղասպանության թանգարան․տեղեկատվության և կրթության տարածք, թե՞ ցավալի հիշողություններն անդրադարձնելու «տաճար»» զեկուցումը: Ինչո՞ւ է պետք ողբերգության, սարսափի և դաժանության հիշողությունը հավերժացնել թանգարանում: Ինչի՞ համար են աշխարհում ստեղծվում ցեղասպանության թանգարանները: Որն է դրանց հիմնական խնդիրն ու գործառույթը, արդյո՞ք դա տեղեկատվական-կրթական բաղադրիչ է, որը, տալով համապարփակ ու հնարավորին չափ անաչառ տեղեկատվություն, թույլ է տալու իրազեկ լինել կատարված սարսափելի դեպքերի մասին և որպես հետևանք՝ ապագայում փորձել խուսափել նման ոճիրներից, թե՞ խնդիրն այդ ցավալի հիշողությունը վերապրելու, վերաիմաստավորելու և, ի վերջո, ցնցումից ազատագրվելու, բուժվելու մեջ է: Նա առաջ քաշեց մի քանի հարցեր և փորձեց տալ դրանց պատասխանը։
Նույն օրը մասնակիցներն այցելեցին ցեղասպանության հուշահամալիր և դիտեցին թանգարանի մշտական ցուցադրությունը:
