Home Map E-mail
 
Eng |  Հայ |  Türk |  Рус |  Fr  

Հիմնական էջ
Նորություններ
Առաքելություն
Տնօրենի ուղերձը
Կապ մեզ հետ
Նախօրեին
Հայոց պատմություն
Լուսանկարներ
Մտավորականներ
Հայոց Եղեռնը
Ցեղասպանություն
Հայոց ցեղասպանություն
Ժամանակագրություն
Լուսանկարներ
100 պատմություններ
Քարտեզագրում
Մշակութային եղեռն
Հիշի՛ր
Վավերագրեր
Ամերիկյան
Անգլիական
Գերմանական
Ռուսական
Ֆրանսիական
Ավստրիական
Թուրքական

Հետազոտում
Մատենագիտություն
Վերապրողներ
Ականատեսներ
Միսիոներներ
Մամուլ
Մեջբերումներ
Դասախոսություններ
Ճանաչում
Պետություններ
Կազմակերպություններ
Տեղական
Արձագանք
Իրադարձություններ
Պատվիրակություններ
Էլ. թերթ
Հոդվածներ
Գիտաժողովներ
Օգտակար հղումներ
   Թանգարան
Թանգարանի մասին
Այցելություն
Մշտական ցուցադրություն
Ժամանակավոր
Օն լայն  
Շրջիկ ցուցադրություններ  
Հիշատակի բացիկներ  
   Ինստիտուտ
Գործունեությունը
Հրատարակություններ
ՀՑԹԻ հանդեսներ  
Գրադարան
ՀՑԹԻ հավաքածուները
   Եղեռնի հուշահամալիր
Պատմությունը
Հիշողության պուրակ
Հիշատակի օր
 

Armenian General Benevolent Union
All Armenian Fund
Armenian News Agency
armin
armin
armin
armin
armin




Լեմկինի կրթաթոշակի շրջանավարտները

"Կասկադից մինչև պարող շատրվաններ, Նորավանքից մինչև Տաթև և ավելին. ես իմ հիշողություններում տանում եմ Հայաստանի մի մասնիկը: "
Հարցազրույց Ռաֆայել Լեմկինի անվան կրթաթոշակի 2016թվականի շրջանավարտ Նիկկի Մարչակի հետ



Նիկկի Մարչակն ավստրալացի ցեղասպանագետ է, Ավստրալիայի Հոլոքոստի և Ցեղասպանագիտության ինստիտուտի անկախ հետազոտող և Ցեղասպանագետների միջազգային ընկերակցության անդամ: Նիկկին Ավստրալիայի Մելբուռն քաղաքում մասնակցել է հայ համայնքի կազմակերպած Հայոց ցեղասպանության հարյուրերորդ տարելիցի միջոցառմանը՝ հանդես գալով որպես գլխավոր զեկուցող: Նա մագիստրոսական աստիճան ունի Հոլոքոստի և ցեղասպանագիտության ոլորտում, երկար տարիներ զբաղվել է այդ ոլորտում հետազոտության և քաղաքականության մշակման հարցերով:

Այժմ Նիկկին աշխատում է Հայոց ցեղասպանության վերաբերյալ մի քանի հոդվածների վրա, այդ թվում նաև համեմատական վերլուծություն է իրականացնում Ցեղասպանության տարիներին հայ կանանց և ժամանակակից Իրաքի եզդի կանանց ողբերգական փորձությունների միջև:




-Բարև Նիկկի, ուրախ եմ ողջունել քեզ ՀՑԹԻ-ում: Դու առաջին ավստրալացին ես, ով արժանացել է Լեմկինի կրթաթոշակին, ի՞նչ կարող ես պատմել քո հետազոտական թեմայի մասին: Արդյո՞ք ՀՑԹԻ-ում իրականացրած հետազոտությունը բարելավել է Հայոց ցեղասպանության մասին քո գիտելիքները:

- Ես մասնավորապես հետաքրքրված եմ Հայոց ցեղասպանության երկու շերտերով և դրանց փոխազդեցությամբ: Առաջին՝ ինչպես են հայ կանայք դիմադրել ցեղասպանությանը` պայքարելով բռնակալների դեմ, պահպանելով իրենց մշակութային ավանդույթները, օգնելով միմյանց վերապրել և հպարտություն ու արժանապատվություն սերմանելով իրենց երեխաների մեջ՝ ընդդեմ սոսկալի ապամարդկայնացման, որին ենթարկվում էին: Երկրորդ, ես հետաքրքրվում եմ հետագա սերունդների վրա ցեղասպանության ազդեցությամբ: Ինչպես են ժառանգները վերաբերում պայքարի այդ պատմություններին և ինչ զգացողություններ են ունենում իրենց տատերի և մեծ տատերի գործողությունների կապակցությամբ: Լեմկինի կրթաթոշակը ոչ միայն հնարավորություն տվեց ուսումնասիրել գրքերը և չհրատարակված վկայությունները, ես հնարավորություն ստացա զրուցել վերապրողների ժառանգների հետ: Նրանք ինձ տոկունության անկրկնելի պատմություններ պատմեցին, իսկ շատերն անգամ նշեցին, որ իրենց տատերի ու մեծ տատերի պատմություններից ուժ են ստացել իրենց կյանքում: Ես ցանկանում եմ շնորհակալություն հայտնել բոլորին, ովքեր ինձ հետ կիսվեցին իրենց հիշողություններով ու ընտանեկան պատմություններով:

-Այժմ դու աշխատում ես Հայոց ցեղասպանությանը վերաբերող թեմայի վրա, ինչի շրջանականերում համեմատական վերլուծություն ես կատարում Հայոց ցեղասպանության տարիներին հայ և ժամանակակից Իրաքում եզդի կանանց կրած փորձությունների միջև: Խնդրում եմ՝ մի փոքր պատմես այդ մասին:

-2014 թվականից ԻՊ կողմից եզդի համայնքի հանդեպ իրականացվող ցեղասպանությունը մի շարք գենդերային նմանություններ ունի Հայոց ցեղասպանության հետ, որն իրականացվել է մեկ դար առաջ: Տղամարդկանց և տարեցների սպանդը, կանանց և երեխաների բռնի առևանգումը, իսլամացումն ու պարբերական սեռական բռնություններն ու թրաֆիքինգը կիրառվել են Օսմանյան կայսրության կողմից հայ ազգաբնակչության հանդեպ: Եզդիներն ու ասորիները նույնպես թիրախավորվել են հարյուր տարի առաջ, և Երևանում կան նրանց զոհերին նվիրված հուշարձաններ, որոնք ես այցելել եմ:

Ես վստահ եմ, որ մենք պետք է դասեր առնենք թուրքական հանցագործությունների ուսումնասիրությունից՝ համապատասխան մոտեցումներ ձևավորելու ԻՊ կողմից կրոնական փոքրամասնությունների դեմ իրականացվող ցեղասպանությունների հանդեպ: Այս նպատակով ես մի գլուխ եմ հատկացրել մասնավորապես կանանց հանդեպ իրականացված հանցագործությունների նմանությունների վերաբերյալ, և աշխատում եմ եզդիական կազմակերպությունների հետ ԻՊ գործողությունները ցեղասպանություն որակելու և հանցագործներին պատասխանատվության ենթարկելու ուղղությամբ:

-Արդյո՞ք այս մեկ ամիսն արդյունավետ էր քո համար:

-ՀՑԹԻ-ում իմ ժամանակն անցավ ցուցահանդեսներ նայելով, հուշահամալիրում հարգանքի տուրք մատուցելով, արխիվում և գրադարանում գրքեր կարդալով, չհաշված առավոտյան սուրճն ու հայկական թխվածքները հայ գործընկերներիս հետ: Վերապրողների ժառանգների հետ հանդիպումներին զուգահեռ, ես խոսել եմ մի շարք ցեղասպանագետների հետ, ովքեր ուսումնասիրում են այդ զարհուրելի ժամանակաշրջանի տարբեր տարրեր, ինչպես նաև՝ լրագրողների, հնեաբանների, լուսանկարիչների և այլոց հետ, որոնք որևէ կերպով առնչվում են թեմայի հետ: Մենք մի շարք արդյունավետ հանդիպումներ ենք ունեցել, որոնց ընթացքում կիսվում էինք միմյանց հետ մեր հետազոտությունների արդյունքներով, և ես շատ բան սովորեցի : Հնարավորություն ունեցա հանդիպելու նաև փոքրամասնությունների համայնքների ներկայացուցիչների հետ՝ հրեաներ, եզդիներ, ասորիներ, որոնք Հայաստանն իրենց տունն են համարում: Ընդհանուր առմամբ, ես Ավստրալիա եմ տանում հսկայական ծավալի տեղեկություն, որը հույս ունեմ օգտագործել ՀՑԹԻ-ի ամսագրի համար պատրաստվելիք հոդվածում:

-Ի՞նչ սպասումներ ունեիր, երբ որոշեցիր դիմել Լեմկինի կրթաթոշակի մրցույթին:

-Երբ դիմեցի կրթաթոշակին, գիտեի, որ թանգարանի նյութերը հնարավորություն կտան խորությամբ հասկանալու այն, ինչն անհնար էր հեռվից: Սակայն հանդիպեցի հայկական հյուրընկալության ու նաև զարմացրեց ինձ օգնելու պատրաստ մարդկանց բանակը: Քաղաքում տեղացու հետ շրջելը նույնքան արժեքավոր էր, որքան գրադարանում գրքեր կարդալը:

- Ինչպիսի՞ն են քո տպավորությունները երկրից, նաև՝ ՀՑԹԻ-ի անձնակազմից:

- Ես լքում եմ Հայաստանը հայրենի օջախը թողնելու զգացողությամբ, որտեղ ինձ ջերմությամբ դիմավորեցին և որտեղ ես մեծ կապեր հաստատեցի: Ես եկա Հայաստան վերապրողների վկայություններն ավելի խորքային ուսումնասիրելու համար և շատ բան բացահայտեցի ցեղասպանության ժամանակ կանանց բաժին ընկած փորձությունների վերաբերյալ: Բայց ես նաև շատ բան սովորեցի Հայաստանի մասին, նրա հնագույն պատմության, Երևանի փողոցների, սարերի և կանաչ բլուրների, մարդկանց ջերմության մասին: Կասկադից մինչև պարող շատրվաններ, Նորավանքից մինչև Տաթև և ավելին. ես իմ հիշողություններում տանում եմ Հայաստանի մի մասնիկը:



- Եվ մի հարց, որը մենք տալիս ենք բոլոր շրջանավարտներին: Ի՞նչ կցանկանայիր փոխել այս ծրագրում:

-Մեկ ամիսը քիչ ժամանակ է՝ նոր երկրին ու նոր աշխատատեղին ինտեգրվելու համար: Հենց ես հարմարվեցի Երևանին, ճանաչեցի տեղանքը և կազմակերպեցի թանգարանում իմ առօրյան, ժամանակս սպառվեց: Ես կցանկանայի ավելի երկար մնալ և ավելի շատ վկայություններ կարդալ, իրականացնել ավելի շատ հարցազրույցներ, կրկին հանդիպել ժառանգների հետ և ամրապնդել կապերը թանգարանում և այլ հաստատություններում:

- Շնորհակալություն, Նիկկի:






© Հայոց ցեղասպանության թանգարան-ինստիտուտ





ՀԵՏԵՎԵ՝Ք ՄԵԶ



ՆՎԻՐԱԲԵՐԻ՛Ր

donationforAGMI
ՀԱՅՈՑ ՑԵՂԱՍՊԱՆՈՒԹՅԱՆ ՀԻՇՈՂՈՒԹՅՈՒՆԸ ՎԱՌ ՊԱՀԵԼՈՒ ՀԱՄԱՐ

Հայոց ցեղասպանության թանգարան-ինստիտուտ հիմնադրամի կողմից իրականացվող հատուկ նախագծեր

ԼԵՄԿԻՆԻ ԿՐԹԱԹՈՇԱԿ

Lemkin
ՀՑԹԻ ՄԵԿՆԱՐԿՈՒՄ Է
2019 Թ. ՌԱՖԱՅԵԼ ԼԵՄԿԻՆԻ
ԱՆՎԱՆ ԿՐԹԱԹՈՇԱԿԸ

ԹՈՒՄԱՆՅԱՆ 150

100photo

ՀՑԹԻ ԿՐԹԱԿԱՆ ԾՐԱԳԻՐ

genedu
«Հայոց ցեղասպանության թեմայի ուսուցում»
կրթական ծրագիր դպրոցականների համար

genedu
ՀՑԹԻ ԿՐԹԱԿԱՆ ԾՐԱԳԻՐ
դասընթացները պրոցեսի մեջ

ՓՈԽԱՆՑԻ´Ր ՀԻՇՈՂՈՒԹՅՈՒՆԴ

100photo
Կիսվի՛ր ընտանիքիդ պատմությամբ, փոխանցի՛ր հիշողությունդ սերունդներին:
Հայոց ցեղասպանության թանգարան-ինստիտուտն ապրիլի 24-ին ընդառաջ հանդես է գալիս «Փոխանցի՛ր հիշողությունդ» նախաձեռնությամբ:

«ՀՑԹԻ» հիմնադրամ
ՀՀ, Երևան 0028
Ծիծեռնակաբերդի խճուղի, 8/8
Հեռ.: +374 10 390981
    2007-2019 © Հայոց ցեղասպանության թանգարան-ինստիտուտ     Էլ.հասցե: info@genocide-museum.am