26.04.2017


Չեխիայի խորհրդարանն ապրիլի 25-ին 104 կողմ ձայնով ճանաչեց Հայոց ցեղասպանությունը:

Բանաձևում գրված է. «Չեխիայի խորհդարանի Պատգամավորների պալատը դատապարտում է Երկրորդ համաշխարհային պատերազմի ժամանակ նացիստների կողմից գրավված տարածքներում մարդկության դեմ գործած հանցագործությունները հրեաների, գնչուների և սլավոնների նկատմամբ, Առաջին համաշխարհային պատերազմի ժամանակ՝ հայերի ցեղասպանությունը և ազգային ու կրոնական այլ փոքրամասնությունների ցեղասպանությունը Օսմանյան կայսրության տարածքում, ինչպես նաև երկրագնդի այլ տարածքներում կատարված ցեղասպանական բռնությունները, և կոչ է անում միջազգային հանրությանը արդյունավետորեն կանխելու մարդու և քաղաքացիական իրավունքների ոտնահարումները աշխարհում և վեճերի լուծումը խաղաղ միջոցներով»։

Ավելի վաղ Չեխիայի Հանրապետության Նախագահ Նորին Գերազանցություն պարոն Միլոշ Զեմանն իր զորակցությունն է հայտնել Չեխիայի հայ համայնքին Հայոց ցեղասպանության 102¬րդ տարելիցի կապակցությամբ: Տեղեկացնենք, որ 2012 թ. Հայոց ցեղասպանության թանգարան-ինտիտուտի և Պրահայի Լիդիցեի հուշահամալիրի միջև համագործակցության հուշագիր է ստորագրվել, 2015-2016թթ. կազմակերպվել մի շարք միջոցառումներ Չեխիայի տարբեր կենտրոնների հետ:

http://genocide-museum.am/arm/02.06.2015-Lidice.php
http://genocide-museum.am/arm/12.02.2015.php
http://genocide-museum.am/arm/30.04.2014.php
http://genocide-museum.am/arm/news-2012.php